في بلادي، الجهورية العربية السورية كما يطلق عليها رسمياً، وسوريا الحبيبة كما أعرفها وأعشقها، وسوريا الأسد (نسبة لمن اختار الله أن يبتلي به الشعب السوري)، كل شيء محجوب.

الكلام ممنوع، الكتابة ممنوعة، الصحافة جريمة (إلا من رحم جهاز أمن الدولة)، حتى العويل والبكاء والندب ممنوع (تم منع أهالي سجناء صيدنايا من التجمع في الشارع لأن النساء يبيكن ويصرخن ويولولن بأصوات عاليه)، بلا فضايح يعني….

سوريا الله حاميها، والإنترنت وجد من يحميه، أو يحمي الناس من شره، أشخاص أتوا من المريخ، أقاموا عندنا وأطلقوا على أنفسهم إسم مسؤولين، تولوا مهمة مراقبة ما يكتب ويقال، تولوا مهمة عد أنفاس الناس، يتدخلون بكل شيء، يدخلون بين المرء وزوجه.

والمواطن السوري الذي يلج شبكة الإنترنت مسكين، ما يلفظ من قول إلا لديه رقيب عتيد، حارسان (أو أكثر والله أعلم) أحدهما مهتم بـ “نفسية الأمة” والآخر مهتم بـ “الشعور القومي” والدفتر معهما، وفهمكم كفاية.

raye7wmishraj3

بالأمس أخبرني أحد الأصدقاء بأن مدونتي رايح ومش راجع أضيفت لقائمة المدونات والمواقع السورية المحجوبة، وأصبح يتعذر على زوراها متابعتها، رغم قلة نشاطها وتواضع عدد زائريها… ومنذ أيام أيضاً حجبت السلطات مدونة المرفأ للصديق عمر مشوح، وأضيفت المدونة أيضاً للقائمة السوداء.

لا يدري المرء ما يقول هنا، ولم أفهم  حتى اللحظة خطورة هذه المدونات لتحجب بهذه الطريقة، هل يجب أن أحزن وأندب؟ أم يجب أن أفرح على حد تعبير أحد أصدقائي: “أيامك، أول مدونة تحجب على ووردبرس في سوريا هي مدونتك، مين قدك يا عمي؟”.

ألا يعلم القائمون على الحجب، والقيمون على القائمين من ورائهم، أن إستبدال لينك المدونة يقارب بسهولته كتابة تدوينة. لا أدري إن كانوا يعلمون.

آه يا وطني….

ممنوع من السفر…ممنوع من الكلام… ممنوع من الغنا…. ممنوع من الإستياء….ممنوع من الإشتياق….وكل يوم في حبك تزيد الممنوعات….وكل يوم حأحبك أكثر من اللي فات….

آه، نسيت، ممنوع من التدوين ومن الإنترنت….

عشنا وشفنا..

تعليقات
  1. فرع مكافحة الإخوان قال:

    هذا بعد أن علقت جماعة الإخوان المسلمين معارضتها توفيراً لجهودها وجهود النظام حسب قولها، ففرغ النظام لك يا محمد وحجب المدونة ههههههههه بعد أن كان مشغولا في حجب مواقع الإخوان

  2. almekdad قال:

    لماذا الكذب و الإفتراء يا هذا ….
    ما الذي تستفيده أن كنت سورياً ….أنني الآن في زيارة لسوريا و أكتب تعليقي من هناك …
    لم يأثر أسيادمك الأميركان و الإسرائيليين و أدواتهم العميلة الرخيصة ليهزوا شعرة من رأس أبسط عامل سوري ….
    أن كنت تقصد الشهرة و تبيان أنك مهم و مدونتك مهمة فأنت مخطئ أيها الحاقد، حتى على نفسك على….

    أنت مذري و مثير للإشمئزاز و الشفقة أيها الخائن لبلدك

  3. raye7wmishraj3 قال:

    الكذب والافتراء؟؟ والصورة المدرجة للموقع محجوبا من داخل سوريا الأسد؟؟

    انت تكتب تعليقك من هناك؟؟ والله ما صدقت، أو انك تستعمل برنامج لكسر البروكسي.

    أسيادي الاميركان والإسرائيليين.؟؟ سماع هالنكتة:

    في مجند سوري من 4 أيام اطلق 5 رصاصات ضد العدو الصهيوني، فاعتلقه معلمك بشار الأسد. مين أساده الإسرائيليين يا صاحبي؟؟

    لك والله انفضحتوا ، خلص، خيطوا بغير هالمسلة. صرتوا معروفين.

    شارون على سرير الموت يوصي بنظام بشار الأسد لأنه “نظام يحافظ على الاستقرار على حدود إسرائيل الشمالية” على حد قول المجرم شارون.

    خائن لبلدي؟؟ الله يعلم كم أحب بلدي، وكم احتقر رئيسها.

    الصورة هاي المدرجة في الوسط انا اخترعتها والفتها؟؟ ولا جبيتها من عندي
    ؟؟

    يا عيب الشوم، واحد بيكذب في وضح النهار.

    بس شوفوا الصورة، ما راح قول أكثر، الصورة تشرح ان الموقع محجوب.

  4. سوري ضد الإحتلال الأسدي والإسرائيلي قال:

    مرحبا مقداد والله أنكن علية كلها عملا عوفوا مسؤولين
    على كل بشار الأسد أخر من يتحدث عن المقاومة وأطلال مخيم تل الزعتر تشهد على هذا حينما كان الفلسطينيون يقاومون إسرائيل كان الغير مأسوف عليه حافظ الأسد يهدم المخيم على رؤوسهم.
    هل تعرف أبن من محمد العبد الله؟ يا سيد مقداد هو أبن علي العبدالله المقاوم في صفوف منظمة التحرير في لبنان، والذي أصيب من قبل الصهاينة أكثر من مرة ولاتزال أثار الشظايا على جسده، هل تعرف أين هو حالياً؟ هو في سجون سيدك الأسد الخائن من يقبل أقدام ليفني سيدته

  5. almekdad قال:

    أيها الذكيان :
    معروف من يقبل يد و قدم ليفني و رايس …
    لولا عملاء الداخل و المتربصين بسوريا الأسد من أمثالكما ، لأزيلت اسرائيل عن الخريطة منذ زمن بعيد …
    سوريا بإعتراف العدو قبل الصديق و أقصد سوريا الأسد هي الراعي الأول للمقاومة و لم تتوقف المقاومة من سوريا ، و آخر حروبنا النظامية كانت ضد الإسرائيليين عندما اجتاحوا لبنان عام 1982 ، يومها فتحت الحركة الأصولية الدجينية في سوريا حرباً داخلية في حماه و بعض المدنالأخرى و ذلك لمساندة العدوان الخارجي على سوريا في نفس الفترة ، و كذلك تآمرت بعض القوى على الحامية السورية و الضباط السوريين اللذين و قتلوهم في تل الزعتر ….
    لا يوجد بلد في العالم يتسامح في قتل جنوده و ضباطه …لقد ترك الفلسطينيون آنذاك الحرب مع اسرائيل و أتجهوا لإحتلال بيروت كوطن بديل و دخلوا مستنقع الحرب الأهلية اللبنانية و الجميع و تم عقد أول أتفاقات ياسر عرفات مع الإسرائيليين و رحلوا إلى تونس …. ليعودا بعقد عقد أتفاق منفرد في أسلو ..
    أما عن الحجب …. فأنت إنسان مفتري …. و أن أخبرك أحد بذلك فلتخبر ذلك الغبي أن يغيّر مزود الخدمة الذي يستخدمه ، لأنه السرفر قد لا يخدم ذلك الموقع ….
    أنتم و أمثالكم إلى الجحيم …..
    نصر حزب الله كان بفضلنا و دعمنا و مشاركتنا بإعتراف العدو قبل الصديق …
    و كذلك سيكون نصر حماس ….. بإذن الله
    و كذلك المقاومة العراقية الباسلة ….. لن يكون لكم الشرف ما حييتم بالتواجد في سوريا الحديثة المنتصرة القوية لأنها سوريا الأسد

  6. almekdad قال:

    يبدو أنك يا صديقي من جماعة اكرم الحوراني … الذي عارض توزيع الأرض لمن يعمل بها …. لقد ولى زمن الإقطاع البائد إلى غير رجعة …..
    زمن العبودية للشعب …. تستطيعوا أن تجدوا مرتع لكم في بلدان مشابهة لأفكاركم الإستبدادية و متوافقة مع عمالتها للغرب و لكل مستعمر ….. هناك في السعودية أو الأردن أو مصر ……
    عنجد شر البلية ما يضحك … يا بيك

  7. Sarah قال:

    أنا أيضاً أرى مدونتك من داخل سوريا…بس متل ما منعرف هاي الشغلات كتير عشؤائة…أحياناً المواقع بتشتغل وأحياناً لا.

  8. لا تعليق –🙂

    أنا سوري آم يانياالي

  9. الله يلعن ابو الساعة اللي قالوا فيها نحنا عرب
    هاد اللي شاطرين فيه تخوين بعض؟؟؟؟؟؟؟؟؟؟
    مبروك محمد هالوسام وضو الشمس ما حدا بيحجبه

  10. مو ضروري قال:

    لك الموقع محجوب من عندي يمكن القرار ماتوزع على المخدمات السورية.
    و أنت يا almekdad:
    شنون بتحكم هيك على الزلمة انو كذاب اه,يعني الصورة مزورها,إذا عندك مانحجبت لا تسمعنا حكيك العلاك.
    الرجاء عدم الموافقة على التعليق بسبب عدم وضع المعلومات خوفاً من بطش النظام الديكتاتوري.

  11. أبو العهد قال:

    أخي مقداد الموقع محجوب فعلاً وسأفترض معك ان محمد يرغب بتشويه صورة “سوريا الأسد” ويدعي أن موقعه محجوب، فهل الصورة تحتاج إلى تشويه أكثر حتي يشوها محمد. يا أخي هناك المئات من المواقع المحجوبة وأنت تعرف ذلك. تعرف مالفرق بيننا وبين من تدافع عنهم من محتلي سوريا ال الأسد، هو اننا نقبل ارائكم ونضعها هنا وهاهي تعليقاتك لم تحذفن بينماسلطات الإحتلال الاسدي تحجب مالم يعجبها وتعتقل وتقتل من يخالفها الرأي. اخي العزيز رجاء حدثنا بالمنطق دون شعارات فارغة لاتشبع حتى أطفال سوريا الصغار من يتسولون في الشوارع
    اما عن فلسطين فيا عزيزي أقول لك أن طريق القدس لن يبداً إلا من دمشق، وفلسطين لن تتحرر إلا بعد تحرير سوريا من الإحتلال الأسدي المتأمر على السوريين والعرب وقضيتهم الأولى والأسمى فلسطين.

  12. farah m قال:

    إذا جاءت مذمتي من ناقصٍ فالشهادة لي أني كامل ..

    لا تحزن يا محمد .. كثرة الضباب لا تعني زوال الشمس ..

    كن بخير ..

  13. AHMAD قال:

    ومن عندي محجوبة كمان المدونة .. وفايت من كاسر ومطحبش ربو للبروكسي

    سيدي …

    الشمس فيهن يخبوها ورا اصبعهن الصغير

    بس ما فيهن يخبوها عن باقي العالم

    رووح شايفلك …

  14. Rabie قال:

    وأخيراً تغلبت على الانترنت التعس عندي في المنزل (تلفت أعصابي كل شوي بيفصل) وقفزت فوق موقع لفتح المواقع المحجبوبة لأجد نفسي هنا …….!

    كاسة مي أخي محمد …..!

    الأمر الأول : هنيئاً لك … هناك من يهابك !

    الأمر الثاني : اعتدنا على الحال فلا جديد ، الحجب عشوائي بعض الأحيان وفي أحيان أخرى دون أسباب أو مسببات واضحة
    لا فرق لا اظن مواطناً سورياً واحداً إلا ويعرف كيف يتصفح موقعاً محجوباً … هم لم ولن يحققوا نتيجة !

    الأمر الثالث : أخي محمد بحال بدك تنقل المدونة عملها
    عال blogspot لبكن …..هه!

    الرابع : ما أتخوف منه حجب قريب للورد برس وبالتالي معظم المدونات السورية ……

    ممنوع من الممنوع …. هي نسيتها !

    دمت ودمنا محجوبين وكل حجب وانت بخير

  15. AN@S قال:

    معلش …

    سيأتي يوم يندم فيه هذا الغبي الذي قرر حجب مدونتك على قراره هذا ..

    يمكنني أن أؤكد لك هذا🙂

  16. عمر قال:

    ألف مبروك يا محمد .. هذا وسام فخر لك ولمدونتك !
    فأنت الآن أحدثت رعبا لهم .. ولا يخاف ولا يرتجف إلا الظالم !
    لا تلتفت للمأجورين والمنافقين .. وأكمل مسيرك ولا تلتفت للوراء ..
    فهذا الأمر يجعلك أقوى ويشد من عزيمتك ..
    تحياتي لك أيها الحر الأبي ..

  17. انس قال:

    والله هاد المقداد ضحكني وانا مزعوج

    سؤال للمقداد . انت عم تحكي من كل عقلك انو سوريا هيه دولة الصمود والتحدي وهي الشعارات الفاضيه ؟
    ما بعرف مالي متخيل زلمه فيو عقل وبصدق لهلا هي الشغلات

    كتير ماثره على تفكيرك جريده البعث واخواتها

    حبيبي . سوريا هيه اكبر حليف لاسرائيل ومو رايحه الا على هالشعب ال ***** يلي بصدق كل شي بينقال

    ورجاء بطلها هي الديباجه تبع عملاء اميركا واسرائل لانو جد ملينا منها يعني صارت مقرفه . الشي الاكيد انو نحنا منحب سوريا اكتر من معلمك يلي بدو الكرسي بس وبدنا ياها تكون احسن بلد بالعالم

    بالنهاية اخي محمد ما فيني احكي غير الف مبروك
    والا ما يجي يوم للظلّام

  18. syriangavroche قال:

    بعد التحقيق و التمحيص بتوجيه من المساعد أبو جميل تم التوصّل إلى أن محمد العبد الله مسؤول عن حصول المنتخب السوري على المركز 105 في التصنيف العالمي للفيفا فقد تمت مشاهدته من قبل فاعلي الخير و هو يعمي حارس المرمى ببيل ليزر و لذلك فقد تم حجب مدونته

    المصدر: خدني جيتك للأنباء

    تيك إت إيزي محمد… راسمالها تجيب رابط خارجي و تربطو عالمدونة و منّيتون على حالون هنن و الحجب تبعهون

    تحياتي لألك

  19. almekdad قال:

    هي غيّرت المخدم ,,, و فتت لأكتب تعليق جديد
    عنجد شيئ مضحك ، ليش شو فيها مدونتك شيئ خطير لحتى تنحجب …

    حاطط كم صورة لأقاربك و صورة لواحد تكفيري إرهابي …. ما بعرف إذا كان موجود أو أفتراضي …. كالعوالم التي تعيشوا فيها …..

    عنجد ما بعرف شو بدي رد ….. يعني أكتر الردود متل جماعة 14 آذار في لبنان ….. مو حابب يكون كلامي سب و شتم …. لأن ما في شيئ موضوعي ينرد عهليه بكتاباتكن كلها على بعضها ……

    قال شو … مدونتي محجوبة …. يا لطيف شو فيها خطر على سوريا الحبيبة … لسه أخطر من محكمة الأمن الدولية و جورج بوش و قراراته و أخطر من اسرائيل و تآمر السعودية و مصر و الإردن وز جماعة ال14 في لبنان المقاوم ….

    حبيب قلبي خليكن في طقوس الكراهية تبعكن …. سوريا الأسد حاميها ….
    و لا أستطيع أن أصفكم إلا بصبيان الأزقة الذين يرمون المارة بالحجارة … يعني بإلتفاتة وحدة من أحدهم للخلف … لأنكم في الخلف دوماً تولون الأدبار و الإدبار ……….

    و لكن هذه سنة الكون :
    الكلاب تنبح و القافلة تسير ( هذا مثل من الأدب العالمي ، لا يظنن أحدكم أني أشتمه و العياذ بالله …..)
    دمتم بغيظكم و ضحالة أصالتكم ….

  20. A.M قال:

    عزيزي المقداد صبيان الأزقة هؤلاء ستكبر حجارتهم يوماً بعد يوم حتى تصبح مؤذية .. صدقني ..

    نسيت أيضاً أن توضح من هم القافلة ومن هم الكلاب .. 😉

  21. مو ضروري قال:

    مقداد @:
    لك حاج بيع وطنيات و تخلف و غباءمعلمك داعس على راسك متل الكلب و انت راضي و عم تضحك.اما الاخ محمد و امثالو حببوا يقاوموا.

  22. almekdad قال:

    المعلّق ( مو ضروري ) :
    الكلب هو أبيك و جدك و أخيك ….
    بالمناسبة أنت كلب مهجن و لست بأصيل ( أي أمك كلبة شاردة صادفها ذئب شبق فأستولدك أنت …. ) لذلك تنقصك صفة الوفاء الموجودة في الكلاب …
    الكلب من يقف بعيداً يعوي على الرايح و الجاي … مجرد الاتلويح له بإلتقاط حجر .. يحس بالخطر و يهرب مسرعاً دون أدنى إلتفاتة للخلف …..

    على فكرة أنا بارع بترويض الكلاب الهجينة …
    أن أراد أسيادك و مأدلجيك أو مستخدميك مؤخراً ترويضك … فإنه على نفقتي الخاصة

  23. […] authorities have blocked access to the personal blog of the 26 years old Syrian Human rights activist and blogger Mohammad […]

  24. مو ضروري قال:

    المقداد:
    شكراً,اعترفت انك كلي من دون ماتقول,غريبة مع اني ما كنت قاصد هيك,و بالمناسبة انا فاتح حظيرة لامثالك,تعال انضم لاهلك للمنافقين امثالك,يلي ما بيعرفوا شو معنى الحرية.
    بدك تضل محبوس يا عدو الديمقراطية و الحرية شو بدنا نقول “كلب”
    اتطور ياكلب لازم تكون مربوط بجنزير حتى تفهم.فعلاً الكلاب السلائية امثاللك متعودين عل الضرب حتى يفهموا.شو بدي قلك شقفة كلب متل امثالك يا خسيس.
    و اسحب كلامك يا كلب و لاتتطاول على اسيادك.

  25. […] authorities have blocked access to the personal blog of the 26-year-old Syrian Human rights activist and blogger Mohammad […]

  26. almekdad قال:

    مو ضروري ….
    مو ضروري أبداً أكتب حكي كبير لواحد تافه صغير متلك … و مو ضروري أبداً أنعتك بكلام سوقي قذز .. لأن باينتك طافح قذارة …
    و برجع بقول إلك و لأمثالك من صبيان الأزقة :
    الكلاب تنبح و القافلة تسير

  27. مو ضروري قال:

    مقداد @:
    فيق حاجة بقى تخلف ,امثالك هنن عالات المجتمع لازم إبادة يا ريت لو كان بلدنا بلا امثالك الاغبياء..,فكروا يا نور فكروا ولو لمرة وحدة بس خلو هل المرة صحيحة و لو مرة بحياتكم,بتعرف صار عندي مسبة جديدة اسمها “مقداد”تعني الغباء و لانحطاط و القذارة و الذل و العار و يعني حمار لحمل الغراض,فعلاً عشنا و شفنا هيك عالم.
    و بالبداية وقت قلت “داعس على راسك متل الكلب”هاد الكلام ما كان لقلك بس ,كنت عم شبه الوضع و كنت قاصد الكل قديش عم يعانو بسببوا بس انت عرفت حالك و للأسف.

  28. ابن_سوريا قال:

    اه يابلدي شو عم يعملوا فيكي هالعصابة الاسدية او الجحشية

    نظام تافه جدا اصلا ىخلاص المواطن لازم ينتحر او يطلع برا البلد لان النظام صاير مثل الكلب المسعور ماعم يخلي حدا ماعم ينهشوا كل شي ممنوع وكل شي غالي وبطالة بالهبل والسيد وزير المالية كذاب والرئيس على اكذب ووزير الثقافة جاهل ووزير التعليم مو عارف يربي نفسه على شان ايربي الاجيال وزير الطاقة منافق وزير الخارجية انسان في غاية البلادة انا مو عارف كيف بيتحرك شخصية عدم مثل البقرة الهولندية مابيعرف الا ياكل ويقول هالكلمتين يلي محفظوا اياهم اصف شوكت الراس الكبير بسورية طبعا كسار راس الكل وزير الداخلية حرامي ابن حرامي مرتشي ابن مرتشي والشرطة طبعا اكيد مثل راعيها لان لو ماكان وزير الداخلية مرتشي وحرامي ماكانت عناصر الشرطة هيك وضعا يعني بالعربي غيروا الشعار من الشرطة في خدمة الشعب للشعب في خدمة الشرطة وزير الصحة لازم يسموه وزير الاوباء والجراثيم والمكروبات لان المشافي العامة يمكن البيمارستان يلي كان من زمان احسن منها اما وزير الدفاع مثل قلتوا العدو فايت طالع علينا وهوة والرئيس بشار عم يدرسوا الرد وياريتهم ردوا شي مرة والجيش نصوا هي اذا مو كلوا بالاسم بس جيش واذا صارت حرب يمكن يختفي مثل الجيش العراقي

    يعني بالعربي دولة فاشلة عصابة عم تديرها وخلص

    وفي النهاية يا اخي لازم تتأقلم مع حجب موقعك بسورية لأن العصابة الاسدية مو معقول تخلي واحد مثلك بحب البلد يتكلم والله يكون بالعون

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s