هلا تخلعين حجابك؟؟؟

Posted: 2008/12/25 in عشنا وشفنا
الوسوم:, ,

في نفس المقهى، في الطابق السفلي، حيث أجلس عادة لتحديث مدونتي، نزلت فتاة محجبة، محترمة، تفقدت الأماكن، وجدت طاولة فارغة. تفضل، في مكان هون، نادت شخص ما يراففها.

تدل كلمة تفضل على إحترام بصيغة ما، فهي لم تصرخ “نزيل” أو “تعا”…يعني …

نزل الأخير وجلس الإثنان إلى الطاولة يتحادثان بهمسات غير مسموعة أو مفهومة، وأنا جالس في مكاني…..

تعمق الحديث على ما يبدو، أكثر فأكثر، بدأ الإثنان من الإقتراب من بعضهما أكثر، وأنا جالس…..

تغيرت نغمة الكلام، أصبح الصوت أعلى قليلاً، لكنه بقي غير مفهوم، وأنا جالس….

تغيرت النغمة أكثر، وتحول الكلام إلى عناق، بريء بعض الشيء، لكنه عميق جداً… وأنا طبعاً لا أزال جالس….

تحول العناق إلى قبلات، من الفم للفم، قبلة، إثنان، ثلاثة…..وأنا جالس …بدأت أعد….🙂

أربعة …سبعة….ذكرتني بالجواهري (اقتربي أكثر، سأقبلك حتى يمتلأ الدفتر) وخربطت بالعد….ولا زلت في مكاني جالس….

تغير الصوت أكثر، والعالم اللي بالمقهى، ما حدا لحدا يعني، أنا الوحيد المنتبه (من راقب الناس مات هماً).

يعني بتحبي تبوسي حبيبك، حقك، بس لاقوا لكم مكان غير عام لأنه في غيركم فيه، وشلحي الحجاب عن راسك، لأنك بصراحة تسيئين للمحجبات بهذه الطريقة.

الآتي أعظم:

أتي أصدقاء الشاب، نزلوا الدرج على مهل، وصلوا خلفهما: هاي مان…

أهلاً…أهلاً… “فز” الشاب على حيله وسلم عليهما، مد الضيف يده للمحجبة فسحبت يدها ووضعتها على صدرها (لا تصافح باليد)….تخيلوا!!!

وأنا جالس…وأنا جالس….وأنا جالس…..

عشنا وشفنا……

تعليقات
  1. Okbah قال:

    يخرب شيطانك يا محمد.. يعني ماتصادف إلا المواقف هاي🙂
    وهذا ياسيدي من نتائج التخلف العربي أيضاً.. أنا كنت بالجامعة أصادف المنقبات، بعضهن يتخذن هذا النقاب إما كعادة لإخفاء ماهو أعظم أو لإنها مجبورة عليه ويمارسن في الوقت نفسه وفي الحرم الجامعي ماهو أعظم مما تمارسه غير المحجبات..
    قلتلي تبوس وما تصافح🙂 .. اي شو عليه.. كتير مثل هيك

  2. أمنية قال:

    طيب يا ذكوري انت

    ممكن تقلي ليش ما عنونت هالتدوينة بمثلا “هلا خلعت بنطلونك ؟ ”
    يعني انت شايف فعل الأنثى معيب اكتر من الذكر؟ومعيب اكثر من فعل الأثنان؟

    لم لا تخاطبه : ان أردت ان تعانق حبيبتك لا مشكلة، لكن اخلع بنطلونك بعيدا عن هنا، فأنت تسيء للشباب هاهنا..

    يعني ازا الأنثى حط على راسها شعار الدين، منشان الناس تؤشر و تحكي..وما حط على راس الذكر شي..شو دخلها..

    :P:
    مودتي

    ملاحظة

    بعرف شو رح تجاوب..بس حبيت فورلك دمك شوي

  3. دانيا قال:

    ما بعرف الحجاب شو بيعنيلك, لكن أكيد الحجاب لا يعني أن لك الحق أن تحكم على تصرفات البنات المحجبات فقط لحجابهن. في كتير أسباب بتخلي البنت تتحجب و نحن لسنا بصدد نقاش هالموضوع لكن أنه يصير المجتمع رقيب على الفتاة المحجبة و أنو تصير حركاتها و تصرفاتها مراقبة و محكومة بقواعد ما يمكن للبنت المحجبة فعله و شو هو الغير مسموح لها فعله هو نوع من أنواع التمييز.
    شو يعني المحجبة ما فيها تبوس حبيبها و الغير محجبة ممكن تبوسه؟

    الكل أله الحق يعمل يلي بدو ياه بغض النظر عن دينه و عن لبسه…. اتركوا العالم تحب

  4. أمنية قال:

    دانيا:
    بغض النظر عم كتبه محمد .. عني اعتقد أن هذا المشهد ليس : “عالم تحب: يعني ليست فتاة تطبع قبلة على خد حبيبها ..تعانقه أو تلثم فاهه”

    هي تنين بمارسو الجنس علنا.. وممارسة الجنس له مكانه..
    و بعتقد اني وقت بروح على كافيه ، مالي مضطرة احضر تنين بمارسو الجنس وانا عم اشرب النسكافه.

    عني اعتقد سيصيبني التقيأ لهكذا مشهد كما يصيبني عندما ارى أحد أتخذ زاوية في شارع من شوارع دمشق ليتبول..

    هذا عني فقط ،

    مودتي

  5. هلا يمكن مالك حق تتكلم قبل ما تتأكد مين البنت ومين الشب بالنسبة إلها .. بجوز يكون خطبيها .. بجوز يكون صديقها المقرب يلي بتعرفوا رح يتجوزها وأهلهم حاكيين بهيك قصة ..
    في احتملات كثير .. طبعاً رح كون معك إنو إذا هنن ما كانوا مرتبطين فما لهم حق يعملوا هيك علناً على الأقل .. لأنه هذا تعدي على حرية الأخرين ..

    يحبوا بعضهم ما حدا له علاقهم بهم ولكن لا يخدشوا المنظر العام للمجتمع ..

  6. ناسداك قال:

    هذا لا يقارن بما تفعله بعض المحجبات في الجامعة والذي قد يصل لحد التعري ! … نعم صدق وللأسف اصبح الحجاب بغير الغرض الذي كان منه

    هذه وأمثالها تسيء للحجاب أكثر مما قد تزيد من حشمة المجتمع بانها محجبة … وتعزز فكرة ان غير المحجبة قد تكون محترمة اكثر من المحجبة والمنقبة احيانا

  7. bilal قال:

    يعني تقسيم العالم إلى فسطاطين محجبات طاهرات وسافرات داعرات. لكن قد يخرج عن هاذين التقسيمين شواذ كحال فتاة المقهى المُقبلة. وإن حصل وتداعرت تلك المحجبة فعليها بخلع حجابها. وإن حصل وتطهرت تلك السافرة فعليها بوضع الحجاب.
    ألا ترى في ماكتبت نظرة شمولية إسلاموية وبالتالي ذكورية
    كمن يقول مستغرباً “لي صديقة سافرة لكنها جيدة!!”
    عزيزي ما جرى لا أستغربه خاصة وأنه جرى مع محجبة، فالاخيرة مكبوتة عكس السافرة . والحجاب ذاته يحقر المرأة جاعلا منها هدف جنسي محض وجب تغطيته. لذلك ترى هذا من المحجبة أكثر من رؤيته مع “السافرة” ولو كنت في مقهى ورأيت فتاة سافرة يقبلها أحدهم لقلت لها إذهبي وتحجبي وليس العكس. بكلتا الأحوال لهم حريتهم في فعل مايريدون وأن لم يعجبك المنظر تستطيع ان تغادر المقهى أو تطلب من صاحبه منع القبل.

  8. Okbah قال:

    يا bilal ..
    لا تستغل الموضوع لتثير الكراهية وتهين رموز العقائد الأخرى.. احترم الآخرين كي يحترموك وإلا ستلقى نفس الجزاء وأكثر..
    إذا كان البعض أو الكثير أو حتى السم الهاري يسيء للحجاب بتصرفاته وسلوكه السيء فلا ينبغي لك أن تهين الحجاب والمسلمات وعقائدهم ومشاعرهم..
    بالفعل تعليقك بشع ومقرف ..أتمنى منك أخي محمد ألا تتيح المجال لمثل هذه التعليقات والكلمات والإساءات في مدونتك

  9. Dania قال:

    يلي بتلبس حجاب مو يعني مكبوتة….. هي أولا!
    و ثانيا: اتنين عم يبوسوا بعض مختلف عن اتنين عم يمارسوا الجنس على العلن

  10. maram_soft قال:

    معلش قول رأي بكل صراحة المحجبة بتحب وبتعشق والها عواطف ويمكن غلط هذا الشي يلي صار يصير بمكان عام بس ع كل حال انت ما كان لازم تجيب سيرة الحجاب النص لأنو هذا الشي ما دخلوا
    وانا بصراحة كتير تضايقت منك
    يعني لو شايف شي ممثلة ما كنت حكيت هيك حاج تحطوا المحجبين بالمقلاية وما تشوفوا غير اغلاطهم

  11. 3bdulsalam قال:

    سلامات محمد . . ظريف كتير، ضحكتني فعلا وخصوصا شاهدك عن الجواهري . . قلتلي الدفتر ماهيك🙂

    كالعادة اي موضوع تنجاب فيه سيرة الحجاب يكتر الاخد والرد فيه بدون ما تأثر هالحوارات على قناعات المتحاوين . . ما علينا

    لكن اللي استغربته فعلا واللي خلاني علق (غير شاهد الجواهري) حديث بعض الشبيبة عن ” حق ” الفعل لأي شيء يريده الفرد!! الله يرحمك يا سارتر لساتك مؤثر .

    وحديث آخرين (مستر بلوند) انه طبيعة العلاقة هي الفيصل في تحديد مشروعية (العناق الجنسي) من عدمه في مكان عام . . وهالشي حلو كتير لأنه على هالحالة المتزوجين ما عليهم حرج أبدا في تقديم عرض اباحي مجاني لرواد الأماكن العامة (تصلح فكرة لتلفزيون الواقع ).

    طبعا الحجاب مانو معيار اخلاقي بالتأكيد . . لكنه وسم يحمل دلالة معينة كما تحملها وسوم تدوياتنا . . وينبغي تقديم حد أدنى من المصداقية له.

    آخر شي اسمحلي اخي محمد عبر عن (ما بعرف شو هي المفردة الملائمة تماما) امتعاضي ومجي لمصطلح “ذكوري” اللي صارعينا فيه بطعمة وبلا طعمة (من زمان كنت بدي اكتب عن كرهي لهالمصطلح )

    تحية للجميع وقبلاتي الحائمة🙂

    شعب

  12. أمنية قال:

    دانيا
    على ثانيا: حسب علمي ، و وارد جدا أن أكون مخطئة أن خطوات العملية الجنسية تبدأ بالهمس و من ثم الانتقال للاتصال الفموي لوقت كاف – وكاف هي يصر عليها الأطباء لأنها المساحة التي تحتاج أليها الأنثى لتثار – و من ثم عملية الولوج.
    فأظن مرة أخرى أن هذه ليس “عالم بتحب” و لكن عالم “تمارس الجنس”

    bilal

    عجبني تعليقك حتى وصلت عيوني على تقسيم الأناث لمحجبة مبكوتة- غير محجبة غير مكبوتة – و بعدها كعادتي العظيمة أردت أن أتقيأ..

    في هذه الحالة ليس من الوارد أن يكون هناك ذكر مكبوت ، بما ان تغطية الرأس هو مصدر الكبت ، فهو مرض سنجده عند الأناث حصرا؟أليسه؟

    ومن ثم مبدأ “ما عجبك غادر المقهى” عجبني جداو عليه، لو كان لي قضيب لفتحت سروالي و تبولت في المقهى – لآعبر عن رأيي فيما يحدث في المنطقة والبلد (*)- وان ما عجبك غادر المكان أو أطلب من صاحب المقهى أن يكتب على الحائط ممنوع التبول أمام الزبائن..

    3bdulsalam

    ليش ممتعض و مصروع راسك من مصطلح ذكوري، انت ذكر و الذكر كل ما في جسده يدفعه ليصير ذكوري؟ يعني انت ذكوري مو بأيدك الوضع.

    و على فكرة / اعتقد أن محمد الأن يخبط رأسه في الحيط ، بما أنه يعاني من كتابة تدوينات يتمنى أن يعلق عليها أحد ، و لا يمر أثنان عليها، و من ثم يكتب تدوينة تمر فيها كلمة “حجاب” او “جنس ” لتندلق فيها التعليقات..:D:

    موداتي للجميع

    (*): موقف تبنيته عن مدوّن أخر.

  13. raye7wmishraj3 قال:

    أولا أهلا بالجميع، سأكتفي ببعض التوضيحات:

    أنا لم أذكر المحجبة للإساءة، الحجاب بصيغة أو بأخرى يدل على التزام ديني، صح أو لأ؟؟ الملتزمة لا تقوم بهذه الحركات، حتى لو كان زوجها، يعني إذا ابتليتم فاستتروا.

    المفارقة أنها رفضت أن تسلم باليد، وهذا والله صدمني، قالت للشاب وعليكم السلام، وحطت إيدها على صدرها.

    كل واحد اله حق يعمل اللي بده إياه، أنا ما قلت أن المحجبة ممنوع عليها تبوس حبيبها والسافرة مسموح لها، أبداً، لكن اللي حصل أكثر من بوسة وأكثر بكثيييييير من موضوع حدا عشقان حدا، والله أن ما بعرفهن وجالس بعيد عنهن (مو بعيد كثير) وخجلت منهن كثير.

    ما حدا قسم العالم لفسطاطين ولا لـ3 فساطيط، ومع ذلك ما راح شيل أي تعليق، وشكراً للي بعتلي شتائم على البرايفت على الإيميل.

    أهلا بكل من شرفنا بأول زيارة، مرام، دانيا، ناسدك، ومستر بلوند أهلا بكم جميعا.

    مرام ما حدا قصد المحجبات أبداً واعتذر ان جرحت شعورك او كنت محجبة.

    أخي عبد السلام، موضوع الذكوري، يعني لا تعليق، بتعرف🙂

  14. ayhamjzzan قال:

    يحدث كثيرا وهنا المشكلة ازدواجيتنا وتعلقنا بالقشور

  15. kenan phoenix قال:

    ليس للحجاب علاقة بالشرمطة على الاطلاق ولا بالتدين على حد سواء له علاقة فقط بالتقاليد السائدة….

    وعالسريع بس رح احكي قصة أحد الزملاء الذي تعرف على سيدة محجبة وأخذها الى منزله واراد ان يضرب مرتين مرة قبل الطعام الشهي الذي طلبه ومرة بعد …
    المرة القبل تحققت بنجاح وعندما عزمها على الغذاء اعتذرت بشدة!!
    ليش؟ لانها صايمة وما بتفطر خلال شهر رمضان! (الحكاية صارت برمضان الماضي)

  16. Ahmad Bekdash قال:

    محمد تعليقي هذا ليس حول الموضوع بل حول الموضوع …

    يعني انا استغرب الهجوم المتبادل بين بعض المعلقين على محمد او على بعضهم ..
    المدونة هي مكان لنكتب ما نفكر به فقط ..ليس مهما ان يكون ما اطرحه على صواب وليس معيبا ان يكون ما اطرحه خاطىء,,( المعيب ان اتصنع الصواب والخطا ولا اكون انا .. انا ..)

    محمد كتب ما فكر به في لحظة ما .هل رفضي لموقف محمد مثلا يعني ان علي ان اطلب منه ان يحذف هذه التدوينة …وهل حذف التدوينة يعني ان محمد لم يفكر في تلك اللخظة بما فكر به ..

    هذا ما فكر به محمد بصدق .. اصاب او اخطا .. محمد لا يمنعكم من التعليق وابداء الراي .(. باهتمام منه بمشاركاتكم او بعدم اهتمام ) ..
    عقبة يطلب ايضا من محمد ممارسة رقابة اخرى فلا تسمح يا محمد بتعليقات كذا ..

    لا يا عقبة
    حذف التعليق لا يعني ان احدا لم يفكر بتلك الطريقة (اعجبتك او لم تعجبك ) ..
    دعوا الاخرين يكتبون ما هم , لا ما تريدون ..

  17. ضياء قال:

    ولم أنت متعجب؟؟ ربما لأنك لم تره من قبل! اهدأ وتروّ، والموضوع بما يثيره من ضحك وسخرية، فهو واقع، وبرأيي انه واقع طبيعي، وثورة على الواقع الذي يناقض ما تحتاجه ذاتنا البشرية، وتطلبه بشدة. الحجاب مسألة ثانوية هنا، ولم تتذكره الفتاة على الإطلاق في ذلك الوقت. ومسألة عدم المصافحة، فهو رد فعل انعكاسي سلوكي لا يتحكم به المنطق. بل نبع من شخصيتها (السايكوباثية) والمختلة بسبب ما تعانيه، وهذه الشخصية موجودة أينما كان، فبالرواق يا جماعة.

    تعيش وتشوف غيرها.

  18. ضياء قال:

    نسيت أن أشكرك على قصتك. وأقول لك: في انتظار غيرها.

  19. amina90 قال:

    الله يهدي ماخلق
    شوه صورت الحجاب العفيف الطاهر جعلوه ستار يتخين ورائه فقط لكي لايعرفهم الاخرين وهم في مواقع مثل يلي حكيت عليها

    جزاك الله خيرا اخي

    http://amina90.wordpress.com

  20. Ahmad Bekdash قال:

    amina90
    هلق الحجاب (خرقة القماش) هو العفيف الطاهر , ام الانسان ؟!

    ورد في الانجيل :
    ويل لكم ايها الكتبة والفريسيون المراؤون لانكم تنقون خارج الكاس والصحفة وهما من داخل مملوآن اختطافا ودعارة.
    ايها الفريسي الاعمى نقّ اولا داخل الكاس والصحفة لكي يكون خارجهما ايضا نقيا

  21. عهد قال:

    وأنت ليش غيران ؟؟؟

  22. 3bdulsalam قال:

    عطفا على كلام امنية، أن لك أمنية . . . ما علبنا🙂

    حبيت سلم ع الجميع وشكرا امنية على تعليم الذكور خطوات العملية الجنسية كون معظمهم يتبعون سياسة حرق المراحل (أثر من آثار حقبة التحويل الاشتراكي)

    وان كان جسمي يؤكد ذكورتي فشخصيتي تؤكد رجولتي وبعدني عند امتعاضي من هالمصطلح الثوري!!

  23. amina90 قال:

    اخي في العصر الذي نحن فيه صار خرقة القماش كما قلت احسن بمليون مرة من الانسان في حد ذاته لانو صار يمشي بدون شخصية وبيطمس شخصيتو كانسان واعي في الوحل

    اللهم اهدي الكل

    وبالمناسبة الاخت الفاضلة امينة كلامك مش في محلو ليس اهانة لكم حقيقة
    تقبل من كل شكر اخي احمد

  24. Rabie قال:

    كرد فعل أولي ضحكت فقط …….

    بعد المرور على التعليقات :

    لم يتبق لي الكثير أقوله

    – سأتوقف عند بعض النقاط :
    عندما ترتدي الفتاة / المرأة الحجاب أياً كانت أفكارنا عنه ومنه
    فهي تدعي أنها محترمة أنها أخلاق فإن ظهرت بحقيقة مختلفة فهي تستحق أن نتكلم حولها ( هي كاذبة فمنافقة ف ……) فلا تلوموا محمد

    -كل إنسان حر بتصرفاته طبعاً وهية حرة بما تفعل وأين تفعل ما تفعل
    فذلك شأنها …….
    وأنا بالتالي حر أن أشتمها وأقبح فعلها كما أشاء أو أدافع عنها !

    -لو نزعت الفتاة حجابها هي لن تكون قد ادعت شيئاً وبالتالي ليس عليها إثبات شيء …..أما إن ادعت بطريقة ما فموقفها كموقف المحجبة .

    – بالنسبة للشاب هو تلقائياً بشكل او بآخر مدرج على أن مدعي وليس يدعي
    وبالتالي أي تصرف يصدر عنه قد لا نتوقف عنده كتوقفنا عند موقف المحجبة
    فما يتوقع منه أن يكون (كاذب فمنافق ف ….)

    هناك إحداهن يعرفها صديق لي
    هو مسيحي ، هي محجبة تدعي أنها مسلمة
    والدها رجل دين ، مهزلة ………!

    أحب أن انزع حجابها بنفسي

    محمد أحببت كثيراً طريقة سردك وأقف جانبك لأقول
    “شلحي الحجاب عن راسك”

  25. تالين قال:

    مرحباا
    عندما مررت من هذه المدونة جذبني هذا العنوان (هلا تخلعين حجابك؟؟؟) فقلت : هاي نوع جديد من المقالات بيحارب الحجاب وبخلي البنات تكره تتحجب من شان ما يقولوا عنها هيك وهيك قرأت الموضوع و قرات التعليقات واطلعت من المدونة وانا لسا بفكر بالموضوع قلت ليش ما اكتب تعليق يبين انو هم على غلط ليش ابقى ساكتة وانا عارفة الحق

    1- انا مع الحرية بكل معنى الكلمة بس مش الحرية المطلقة يلي بتسمح بتبادل القبل في الاماكن العامة
    2- حاج بقى اتضلو تشوهوا صورة المحجبة :@ بكفي والله (على فكرة انا مش محجبة ) بس والللهي زودتوها كتيييييير مقصديش انا بس على هادا المقال في كتييير مقالات من نوع تاني بتكون بتحكي قصة من الحياة متل( انا شفت وحدة محجبة اتخيلوا يا جماعة رايحة مع شب على بيتو ) كلكم هيك بتقولوا انا شفت وانا سمعت بس لتشوهوا صورة المحجبة وانا مش عمالي بدافع عنها انا بحكي الحقيقة الواقع الي نحنا عايشين فيه
    3- المحجبة ملومة اكتر من المش محجبة لانو المحجبة يعني ملتزمة ومن كلامك يا محمد انها ما قبلت اتسلم على الشب فا كيف بتسمح لحالها انها اتبوس مين ما مكان ايكون حبيبها صديقها أو حتى زوجها كيف بتسمح هالأهانة الكبيرة الي فيها هانت حالها و منها شوهت صورة المحجبات 0 يعني هلئ انتو بتفكروا انو كلهم زي بعضهم او اكترهم هيك 0 ليش؟؟ لانو زي ما انتو بتدعوا انها بتعاني من كبت والحجاب مخليي منها هدف جنسي ووو كل الي حكتوا عنها

    انا برد عليكم وبقلكم الحجاب مش بس خرقة قماش بتحطها البنت على راسها ( الشب المختل عقليا والي ما بيفهم شو بيعنيه الحجاب بيحكي هيك ) الحجاب يعني كتييير اشياء حلوة يعني البنت بتفهم و عارفة سبب وجودها على هالدينا يعني البنت تفكيرها صحيح لانها بتفكر بالاّخرة يعني البنت مسلمة و بتفهم بعقيدتها الاسلامية وبتعرف شو المفروض عليها

    الحجاب االوو كتييييير معاني يا سيد
    Ahmad Bekdash
    انا معك لازم الواحد ايكون نقي من جوا قبل ما يتحجب بس مش معناه هيك اهين معنى الحجاب الحقيقي واحكي عليه خرقة

    انا قصدي من كل الي كتبتوا انو البنت خطأنة وخطأنة كتير كمان لانو دينها بعارض هادا الشي واكيد هي بتعرف و مادام ما سلمت على الشب لانو دينها بعارض التسليم الشباب مع البنات وهي ما سلمت ف كيف بتعمل هالشي الأعظم من التسليم ؟؟؟؟؟ اديشها غبية وغبية كتييير لو انها مش محجبة كنت لمتها بس مش زي المحجبة !

    محمد كتب زي ما شاف و زي ما بصير بالواقع بس احيانا مش كل شي من شوفوا لازم اندونوا لانو بيعمل كتيير مشاكل وصراحا هادا الموضوع بخلي البنت المسلمة تكره الحجاب لانها راح اتصير تحسب كل حركة بتعملها لانها راح اتصير تعمل حساب لكلام الناس بس انا بقول : الي بدها تلبس الحجاب اتكووووون قدوووو

  26. تالين قال:

    على فكرة انسيت اقول انو احيانا بتكون المحجبة احسن من المش محجبة بكتييير واحيانا العكس فأنتو ما تخدوها قاعدة

  27. saco قال:

    انا أسف أذا الكلام بدو يدايق بس يالي بدو يحكي و يجرح مشاعر الأخرين و يحكي عن الحجاب بلا ما يحكي منشان لحجاب يالي فكركم أنو غلط هيدا زينة الأسلام أصحو يا عرب الدنيا فيها أنواع و ماتسمحو لحدا يجرح هالدين و يغلط بدينا يالي عندو أخت بخاف علا عرض العالم متل مابخاف علا أختو و أكيد ما حدن بيقبل يغلط بدين حدا أسف باي

  28. nana قال:

    مرحبا
    ما أريد قوله هو أني لا أحترم ما كتبته ،عذرا لكن ليس هناك أي معنا مصيب فيما كتبته ، أنت لست وكيل لله في الأرض لكي تحكم على الناس كما تريد ،لنفرض أن هذه الفتاة أخطات (مع أني لا أرى أي خطا في هذا بل أحترمها كل الاحترام ،أحترم الحب ) اعلم يا أخي أنك أثمك أكبر لانك و بكل صراحة نمام ،
    و من هنا نخلص إلى أن ارتكبت معاصي أكثر من الفتاة
    العجب أعطيت نفسك حق الحكم على الناس ؛ثانيا نظرت في عورات الآخرين ؛ثالت تكلمت في شيء لا يعنيك ؛عذرا

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s