والدي العزيز: كل عام وأنت …… برا

Posted: 2008/12/17 in ذكريات, شخصيات
الوسوم:, ,

اليوم هو “عيد” اعتقال والدي.

اليوم 17\12 هو الذكرى السنوية الأولى على اعتقاله.

ali_mohammad

مرت سنة على اعتقاله، ويجب أن يمر سنة ونصف آخرين ليعود لي الحق بتلقي مكالمة هاتفية من والدي تبدأ بـ”كيفك بابا”؟؟

اتذكر أول كاسة شاي شربتها “ضيفاً” داخل سجن عدرا، أنهيتها… ابتسمت بوجه السجين المضياف وقلت: دايمين.!

صرخ بوجهي السجين وقال شو دايمين، هاي بتقولها ببيتكن، هون بقولوا: إن شاء الله برا (يعني إن شاء الله بنشربها برا).

والدي العزيز…. كل عام وأنت…..برا.

ولدك محمد

تعليقات
  1. عابر سبيل قال:

    شو هاد محمد، صورة القائد الخالد وراكن، شو كمان بالحبس كانوا لازقينك بصوره؟

    الله يفك اسر ابوك واخوك ويجمعك بأهلك.

  2. فك الله أسره وقيد كل أسير وبإذن الله العيد الجاي تقله كل عام وانت دائما جنبنا

  3. مايا* قال:

    إن شاء الله بتشربوهـــا برا ..
    و عن قريب ..

    الله يفك أسرو ..

  4. سهير الأتاسي قال:

    في أجمل ما سمعت عن والدك علي العبد الله في معتقله..

    يقولون: علي العبد الله.. صخرة

    كل عام وهو برّا… وكلّهم برّا… وإنت راجع عالبلد

    والبلد حرّ

  5. أمنية قال:

    يحرء كفرك عند هالصبح
    شو هالصورة

  6. عهد الهندي قال:

    عزيزي محمد
    حينما يكون والدك أبو حسين ورفاقه في السجن، تكون سوريا كلها في السجن.كل سنة وسوريا كلها برا

  7. raye7wmishraj3 قال:

    شكراً شباب (وبنات) على دعمكم المعنوي الكبير

    والله لولاكم الواحد ما بيعرف شو بده يعمل

    إن شاء الله الجميع برا يا رب، واللي برا يرجعوا جوا (على سوريا يعني)

    خلي الجميع يساهموا بمسيرة التطوير والتحديث🙂

  8. عمر قال:

    كل عام ووالدك حر أبي .. وكل عام ووالدك شامة عز في جبين سورية !
    هؤلاء الرجال يا محمد هم من يمهد طريق الحرية الشائك .. وعلى صهيل خطوهم سوف يعود الجميع أحرارا بإذن الله ..
    ألف تحية لوالدك ولأخيك ولك ..

    عمر ..

  9. raye7wmishraj3 قال:

    الف شكر لكلماتك اخي عمر

    مودتي

  10. syriangavroche قال:

    الله يفك أسرهم قريباّ و يرجعولك سالمين غانمين

    أحرار.. أحرار.. أحرار

  11. raye7wmishraj3 قال:

    أخي ياس شكرا لكلماتك اللطيفة

    قال أنا حاطط بالأوسمة شخصيات، والله خجلتوني

    انتم عائلتي الكبيرة التي اتشرف بالتعرف إليها

    رب أخ لم تلده لك أم..

  12. raye7wmishraj3 قال:

    أمنية هاي صورتي أنا وأبو حسين (والدي) داخل سجن عدرا، من الصور القليلة والنادرة فعلا عن السجن.

    شو طالع بشع؟؟

    أنا بالعادة بتعرفي يعني “جكل” مثل ما بقولوا، وهاي الذقن بموت منها، بس مكره أخاك لا بطل…بتعرفي🙂

  13. ربيع قال:

    دايقتني … آسف !

    إن شاء الله بتشربوها برا عن قريب ………. وبيرجعلك الوالد سالم

  14. عهد قال:

    بتعرف أنك هبطلي قلبي، للحظة شفت أسم عمر وأنا عم أتصفح الصفحة بسرعة، وشفتك عم تقول أخي عمر، فكرت عمر طلع للحظة صغيرة، يفك أسرك ياعمر يلي حكمك الخسيس بشار الأسد خمس سنين لأنك خوفتو. ذكرتني بمرة فتت على منتدى اخوية وكان في موضوع قديم لحسام ملحم عنوانوا أنا رجعت ومشتاقلكن كتير، هجمت متل المجنون على الموضوع فكرت حسام ملحم يلي مع عمر بالسجن هلق طلع، بس للأسف طلع الموضوع قديم وحدا فتحه، تذكرت هلق متل يوم ماتذكرت يومها انو الشباب بسوريا والجبان بشار الأسد لايمكن يطلعن لأنو بيخاف من كلماتهم
    الحرية لعمر الحرية لصديقي الغالي حسام الحرية لسوريا من أنياب هذه الكلاب

  15. 3FreeeeeT قال:

    الله يهونها عليك ، و تشوفه “برا” و تشربوا أحلى شاي “برا”

  16. […] Photo of blogger Mohammad Al-Abdallah and his father at the Adra prison, Damascus (Source: Raye7wmishRaj3.) […]

  17. […] Photo of blogger Mohammad Al-Abdallah and his father at the Adra prison, Damascus (Source: Raye7wmishRaj3.) […]

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s