صديقٌ ضار عدوٌ مبين

Posted: 2008/09/20 in عشنا وشفنا
الوسوم:,

تعبان وزهقان وملان وقرفان وطاقق وشاعر بشعور لا يمكن وصفه.

من أراد أن تثكله أمه يتحركش فيني.

أوقفت كافة الخدمات التي أقدمها للآخرين باسم الإنسانية أو الصداقة أو أي إسم آخر.

حكمة اليوم : إذا حبيبك عسل لا تلحسو كلو.

شعار المرحلة: صديقٌ ضار عدوٌ مبين.

اللي بده يزعل يزعل، ولا يزعجني بزعله، ما كثير مهتم.

تعليقات
  1. LORD.M.M قال:

    welcome to the club

  2. genin قال:

    هيدا يلي طلع معك
    ثكلتك امك بس امك حرام بيكفيها يلي فيها بحبها وبحترمها قد الدنيا وهيدا الفرق بيني وبينك

    اذا حبيبك عسل لا تلحسوا كله مش ليكون عسل قبل

    اوقفت الخدمات باسم الانسانيه او الصداقه ليش بس تعمل هيك مش مشان تحس انك انت انسان ولا ناطر الناس يشكروك لح تنطر كتير لكن

    ورجيني شو بدك تقول اكتر من يلي قلته وانا كمان ما عدت كتير مهتمه

    صديق ضار عدو مبين ليش صديقك بشو ضرك
    اهانك مثلا على الملا لانه ما عجبو رايك
    لح قلك صديقك يلي بيصدقك القول وبس تكون غير موضوعي بيقلك وحتى اذا زعلت واذا بدك
    صديق يسفق لك على كل كلمه بتقولها ففي منهم كتار

    عيش كتير بتسمع كتير

  3. genin قال:

    هتكتني امام يلي بيسو ولي ما بيسو
    بشكرك يا صديقي

  4. علوش قال:

    يعني بفهم منك صرت من جماعة “لاجري”.
    هلا فيك.

  5. raye7wmishraj3 قال:

    لأ ابداً ، ما صرت من جماعة حدا.

    يمكن ألذ شغلة فيني إني من جماعة حالي فقط.

    بحياتي ما فكرت كون جماعة حدا

    مودتي

  6. أمنية قال:

    امبلا اعترف
    امبارحة قلتلي “لصرمايتي”

    والصرماية : مفردة تنفرد بها المنطقة الوسطى من سوريا – الواقعة بين العراق ولبنان- يتدوالها العوام فيما بينهم، ظهرت في أوائل الألفية الثانية أبان الاحتلال العثماني للمنطقة.
    حيت كان عثماني يمشي على الهون أمام مسجد الأمام علي:
    فتوقف مبهورا بسوريا يطقطق بالقبقاب.
    فقال التركي: طز القرد شو كو زال؟
    فأجاب السوري: صرمايتي فيك، روح لأخلعك كف يجيب أجلك.

    هذا وقد استمر الأحتلال العثماني لمدة يوم و99 عاما .
    و من المعلوم أن الشعب السوري مامعو حق صرماية حاليا فيستخدم كلمة لأجري.
    فالسؤال الذي يطرح نفسه حاليا: منلك حق الصرماية يا بعدي؟

  7. raye7wmishraj3 قال:

    تعليق genin

    هتكتك أمام اللي بيسوا واللي ما بيسوا؟؟

    ما طلبت أبداً من أي حدا يصفق لأي شي بكته، ولا قمعت رأي حدا.

    فيكي تجاوبي وجوابك لا يزال موجود على الموقع ولن يتم إزالته أبداً، ولحد الآن فيكي تفوتي تعلقي.

    بس رجعي للتدوينة وشوفي شو علقتي بتلاقي حالك معلقة على كلام أنا ما قلته (النظرية إياها)، وهذا مرده تذاكي في حال اخذته بسوء نية، أو سذاجة وسطحية في حال أخذته بطيب نية.

    مثلاً:

    “اسمحلي بالموضوع السيد لا يكذب”.

    مين قال أن السيد يكذب؟؟

    حدا جاب سيرة السيد أصلاً؟

    حتى المثال اللي أوردتيه عن ضباط الجيش اللي لعبوا دور بأحداث الأحد الأسود كان مثال خاطئ.(طالبتي بتوقيفهن وهني موقوفين).

    بعدين في عبارة “وحادثة الاحد الاسود بتشهد بعدنا ما نسيناها “.

    مين “إنتوا” بلا زغرة، عم تستحدمي صيغة الجمع “بعدنا”

    المشكلة أنك مصرة تحكي بإسم حدا، حزب، جماعة، والأسوأ

    انك هون عم تحكي بنفس طائفي لأنك عم تحكي بإسم

    الشيعة.

    حتى لما أوردتي مثال الضباط الأربعة (وليس مكانهن هنا لأن التدوينة ليست عنهم) كتبتي التالي:

    (وليش الضباط الاربعه بعدهم بالسجن بدون دليل على ادانتهم يعني كل ذنبهم انه الرئيس اغتيل بزمنهم وكم واحد اغتيل بزمن الرئيس السنيوره بين ما فات على الحبس او تحاسب).

    يعني لو بدي علق على هالحكي بسميه بأقل العبارات أنه سخيف، أو هباء منثوراً، ينم عن جهل..إلخ..

    يعني لو فكرتك صحيحة وأن الضباط معتقلين بسبب اغتيال حدا بزمنهم وحبيتي تعملي بالمثل ممكن تقترحي اعتقال اللواء أشرف ريفي أو اللواء وفيق جزيني أو مدير مخابرات الجيش العميد جورج خوري.

    هؤلاء هم من يقابل رتب الضباط الأربعة وليس رئيس الحكومة فؤاد السنيورة.

    وفقاً لكلامك لازم نحط الرئيس عمر كرامي بالسجن لأنه رئيس الحكومة وقتها.

    هذا رأيك بحترمه، ودليل على ذلك لا يزال موجود.

    بس اللي بده يتذاكى بالرد، أو يرد بهاي الطريقة (الهمجية على طريقة حزب الله تماماً)، بده يسمع رأي الآخرين برده.

    ويحترم رأي الآخرين مثل ما هني إحترموا رأيه .

    الموضوع ما فيه هتك أبداً.

    عندك تعليق على ردي فوتي حطيه، بس بالموضوع نفسه.

  8. genin قال:

    ما قمعت راي حدا كيف
    ليش لما تنهال بالشتائم المثقفه وغيرها هيدا مش قمع يعني شو ما بدو يكون جوابي مقنع او غير مقنع لح اسمع كلام انا بغنى انه اسمعه

    لما بدك تحكي بموضوعيه ومهما كانت قاسيه انا بتقبلها بس بدون تجريح وليش شو فائدة التعليقات اذا بدها تكون من لون واحد

    السيد لا يكذب ليش مين قال انه انت قلت انه هو كذب انا كنت عم رد على الصحيفه بس تسرعك وقلة صبرك وانا هيدا سقفي يعني ما بقول كلام اقسى من هيك

    ولما قلت بعدنا يعني انا وانت ولا نسيت اذا نسيت انا ما نسيت وهيدا الموضوع نحنا تناقشنا فيه وحتى على توقيفهم اذا بتذكر ومنهم انسان انا وانت منعرفوا ووقتها قلت لي ما تحاكمه قبل المحكمه وقلت لك انه مجرد المشاركه بهل الامر انا عندي تحفظات عليه

    يعني انا بعرف انه الضباط موقوفين بس للان ما تحاكموا والموضوع تلفلف مثل العادي واذا غير هيك بكون عن جد ما بعرف شو عم يصير يعني الموضوع استعراضي مثل محاكمة القذافي والصفحه انطوت

    عم احكي بنفس طائفي وتحديدا باسم الشيعه
    من وين استنتجت هل شي يعني اذا الحزب لم يسلم مطلق النار الى القضاء هل كان موقفي نفس الشي يعني انا مع الحزب صح كان او خطا
    لح قلك انا ما بتعصب الا للحق اوين ما كان يكون حتى لو ضد مصلحتى على حكيك يعني انا وجه العمله الثاني وانت بتعرفني هيك طيب كيف وليش انا بحكي معك مع انه بختلف معك بكل شي ليش نحنا منتفق على شي

    صحيح انا كنت منفعله وبعترف ومشين هيك قلت انه الضباط ما تسلموا وانت بتعرف اني بعرف انه توقفوا وكمان قلت انه السيد السنيوره يتوقف في حين كان لازم قول يقدم استقالته

    بس اذا كنت اخطات بانفعالي بس ما جرحت حدا وهيدي امور متسامح فيه واذا بتخدم حدا فهو انت وضليت بقول الرئيس السنيوره مش بطيخ عفوا بهل تعبير

    وجود تعليقي مش دليل كافي على احترامك لراي طيب يا ريت حذفته مثل ما كثير مدونين بيعملوا وبيدعوا حرية التعبير بس مع ذلك هني حرين ما بيقدروا يسمعوا رايي ويمكن هو خطا وانا برر لهم تصرفهم بس انت لا يمكن بررلك اهانتك الي ولا لح سامحك عليها بتعرف ليه لانه انت

    لو كان حدا غيرك كنت عرفت رد عليه بس انت بعترف اني ما بعرف لان كيف ما كان خسرانه يعني الربح بساوي الخساره وشو ما رديت انا خسرانه

    ما تقلي انك بريء وانك موضوعي بوضع الجنرال ميشال عون وحه ثاني لتكفيري من يلي حرموا الدعاء للناس يلي عم تنقتل بالحرب بس لانه شيعه بس لانه ادعى على صحيفه عن طريق القضاء بسبب كلام مسم بوقت عم يصير مصالحات بلبنان

    يعني ما بعرف يلي كتب هل مقال نفسه يلي كتب مقال بيروت عصي عن القمع هداك كان موضوعي بشكل رائع وحتى لو كان ضد حزب الله بس موضوعي

    وبالاخير بتمنالك التوفيق بحياتك وبكتباتك يلي مستحيل بعد علق عليها سواء عجبتني او لا

    احتراماتي

  9. raye7wmishraj3 قال:

    هلأ تعلقي أو ما تعلقي هذا شأنك!

    التعليق متاح للجميع، وكل واحد حقه يعلق على تعليقات الآخرين.

    كنتي عم تردي على الصحيفة؟؟ ليش الصحيفة جابة سيرة السيد؟؟ اللي صار اصلاً كان بين الصحيفة وعون.

    الحزب ما تدخل أبداً، جل ما قام به هو تهديد الصحيفة بأن تلاقي نفس مصير المستقبل.

    يمكن هالصحيفة ما بحبها، وما بعرفها أصلاً لأني ما بقرا فرنسي،
    بس شغل البلطجة والعصابات المسلحة عرف وتقليد عريق للحزب الشمولي.

    يعني أنت ما بتوقفي مع الحزب لما يكون على غلط، ليش (بمفهومك) الحزب هاد ممكن يخطاً؟؟

    هذا الحزب إلهي، لا يخطأ، وهذا السيد الله، إستغفر الله، السيد أهم من الله، لا يخطأ أبداً.

    موضوع الضباط تبع أحداث مار مخايل بتذكر أنه حكينا بالموضوع صحيح، وبتذكر ذكرتي ضابط بنعرفه، والتحقيق لم يأتي على ذكره لا سلباً ولا إيجابياً بالمناسبة، بس أنا ماني متذكر ولا حاقد، الموضوع لا يعنيني.

    بعدين أهضم شي هاي قال هني موقفين والقضية تلفلفت، ناس صارلهم بالحبس قرابة العام والقضية تلفلفت، كيف زبطت معك هاي، ليش شو ممكن يحاكموا فيه، أكثر شي بينحموا حبس.

    حكي بعقل شوي (ناس بالحبس والقضية تلفلفت).

    طيب صيغة الجمع كان مقصود فيه أنا وأنت، هاي بخصوص قضية مار مخايل، طيب (والرمل العالي وبلا ما اذكرلك كمان) هدول حاكين فيهن نحنا كمان؟؟

    هدول ببساطة المواجهات اللي حصلت بين الجيش والشيعة، بتحبي تحكي بهالنفس إحكي، هذا شأنك، بس ليش خجلانة إنك عم تحكي هيك؟؟

    أنا لا أبرر لنفسي أي شي، هذا رأيي ومتمسك فيه، بتحبي تعلقي يا مية مرحبا، بس إستعدي لتقبل تعليقات الآخرين.

    يا ريت تردي علي كما لو أي واحد كتب ولا تراعي أي شي.

    على فكرة في كتاب لازم تقريه إسمه (الدين والله والدهماء).

    للكاتب الفلسطيني صقر أبو فخر.

    الدهماء هني الرعاع (اللي بيقطعوا الطرقات بدواليب محروقة، وبيعتدوا على حرمات الناس و …..و …..).

  10. genin قال:

    بتعرف معك حق بشغله وحده اني انا فعلا بلا عقل وعن جد انا خجلانه من تعليقاتي ومش مستعده اسمع تعليقاتك

    وشكرا على اسم الكتاب اكيد لح يوسعلي افاقي ويفيدني كتير لكون انسانه عقلانيه وموضوعيه راقيه ومهذبه ومش من الرعاع
    وما باله البشر او يخ مش من الشيعه او الحزب الشمولي يلي بيعبد السيد استغفر الله

    الله يسامحك انت كشفت حقيقتي عن جد وانا فعلا بلا عقل ولا دين ولا اخلاق حتى
    انت انسان موضوعي بكل المقايس بهنيك انتصرت حجتك قويه كتييييير وبنصحك ما ضيع وقتك لترد على انسانه من الرعاع

    يعني مجنون يحكي وعاقل يسمع انسانه انت بتعرف انها كل يلي قلته ليش بضيع وقتك لصرمايتك مثل ما قلت انت اكبر من هيك بكتير فما تنزل بمستواك وترد وبدون ضغينه والله يوفقك بس الله يلي بتعبده انت مش انا لانه لح يكون السيد مثل ما ادعيت

    لك لهون وصلت بعد يلي قلته ما في شي بينقال بيكفي واذا بدك تثار فلعنوان بيكفي واذا ما بيكفي اعمل يلي بدك ياه مش فارقه معي
    وبالنسبه يلي قلته ما لح رد لانه صار جدل بيزنطي

  11. raye7wmishraj3 قال:

    رجعتي تستخدمي نفس الطريقة؟؟

    “لصرمايتك مثل ما قلت”.

    أنا قلتلك شي مرة لصرمايتي؟؟

    قلتلها لحدا بكلام شخصي بينه وبيني.

    على كل خلي القراء يحكموا.

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s