اليوم هو “عيد” اعتقال والدي.
اليوم 17\12 هو الذكرى السنوية الأولى على اعتقاله.
مرت سنة على اعتقاله، ويجب أن يمر سنة ونصف آخرين ليعود لي الحق بتلقي مكالمة هاتفية من والدي تبدأ بـ”كيفك بابا”؟؟
اتذكر أول كاسة شاي شربتها “ضيفاً” داخل سجن عدرا، أنهيتها… ابتسمت بوجه السجين المضياف وقلت: دايمين.!
صرخ بوجهي السجين وقال شو دايمين، هاي بتقولها ببيتكن، هون بقولوا: إن شاء الله برا (يعني إن شاء الله بنشربها برا).
والدي العزيز…. كل عام وأنت…..برا.
ولدك محمد
شو هاد محمد، صورة القائد الخالد وراكن، شو كمان بالحبس كانوا لازقينك بصوره؟
الله يفك اسر ابوك واخوك ويجمعك بأهلك.
By: عابر سبيل on 2008/12/17
at 9:55 ص
فك الله أسره وقيد كل أسير وبإذن الله العيد الجاي تقله كل عام وانت دائما جنبنا
By: د.الداعية on 2008/12/17
at 11:46 ص
إن شاء الله بتشربوهـــا برا ..
و عن قريب ..
الله يفك أسرو ..
By: مايا* on 2008/12/17
at 12:09 م
في أجمل ما سمعت عن والدك علي العبد الله في معتقله..
يقولون: علي العبد الله.. صخرة
كل عام وهو برّا… وكلّهم برّا… وإنت راجع عالبلد
والبلد حرّ
By: سهير الأتاسي on 2008/12/17
at 1:01 م
يحرء كفرك عند هالصبح
شو هالصورة
By: أمنية on 2008/12/17
at 1:11 م
عزيزي محمد
حينما يكون والدك أبو حسين ورفاقه في السجن، تكون سوريا كلها في السجن.كل سنة وسوريا كلها برا
By: عهد الهندي on 2008/12/17
at 3:58 م
شكراً شباب (وبنات) على دعمكم المعنوي الكبير
والله لولاكم الواحد ما بيعرف شو بده يعمل
إن شاء الله الجميع برا يا رب، واللي برا يرجعوا جوا (على سوريا يعني)
خلي الجميع يساهموا بمسيرة التطوير والتحديث
By: raye7wmishraj3 on 2008/12/17
at 4:26 م
كل عام ووالدك حر أبي .. وكل عام ووالدك شامة عز في جبين سورية !
هؤلاء الرجال يا محمد هم من يمهد طريق الحرية الشائك .. وعلى صهيل خطوهم سوف يعود الجميع أحرارا بإذن الله ..
ألف تحية لوالدك ولأخيك ولك ..
عمر ..
By: عمر on 2008/12/17
at 5:55 م
الف شكر لكلماتك اخي عمر
مودتي
By: raye7wmishraj3 on 2008/12/17
at 6:19 م
الله يفك أسرهم قريباّ و يرجعولك سالمين غانمين
أحرار.. أحرار.. أحرار
By: syriangavroche on 2008/12/17
at 7:51 م
أخي ياس شكرا لكلماتك اللطيفة
قال أنا حاطط بالأوسمة شخصيات، والله خجلتوني
انتم عائلتي الكبيرة التي اتشرف بالتعرف إليها
رب أخ لم تلده لك أم..
By: raye7wmishraj3 on 2008/12/17
at 8:17 م
أمنية هاي صورتي أنا وأبو حسين (والدي) داخل سجن عدرا، من الصور القليلة والنادرة فعلا عن السجن.
شو طالع بشع؟؟
أنا بالعادة بتعرفي يعني “جكل” مثل ما بقولوا، وهاي الذقن بموت منها، بس مكره أخاك لا بطل…بتعرفي
By: raye7wmishraj3 on 2008/12/17
at 8:48 م
دايقتني … آسف !
إن شاء الله بتشربوها برا عن قريب ………. وبيرجعلك الوالد سالم
By: ربيع on 2008/12/17
at 11:42 م
بتعرف أنك هبطلي قلبي، للحظة شفت أسم عمر وأنا عم أتصفح الصفحة بسرعة، وشفتك عم تقول أخي عمر، فكرت عمر طلع للحظة صغيرة، يفك أسرك ياعمر يلي حكمك الخسيس بشار الأسد خمس سنين لأنك خوفتو. ذكرتني بمرة فتت على منتدى اخوية وكان في موضوع قديم لحسام ملحم عنوانوا أنا رجعت ومشتاقلكن كتير، هجمت متل المجنون على الموضوع فكرت حسام ملحم يلي مع عمر بالسجن هلق طلع، بس للأسف طلع الموضوع قديم وحدا فتحه، تذكرت هلق متل يوم ماتذكرت يومها انو الشباب بسوريا والجبان بشار الأسد لايمكن يطلعن لأنو بيخاف من كلماتهم
الحرية لعمر الحرية لصديقي الغالي حسام الحرية لسوريا من أنياب هذه الكلاب
By: عهد on 2008/12/18
at 12:57 ص
الله يهونها عليك ، و تشوفه “برا” و تشربوا أحلى شاي “برا”
By: 3FreeeeeT on 2008/12/20
at 10:03 م
[...] Photo of blogger Mohammad Al-Abdallah and his father at the Adra prison, Damascus (Source: Raye7wmishRaj3.) [...]
By: Global Voices Advocacy » Syria blocks personal blog of Human rights activist on 2009/01/19
at 5:28 م
[...] Photo of blogger Mohammad Al-Abdallah and his father at the Adra prison, Damascus (Source: Raye7wmishRaj3.) [...]
By: Syria blocks personal blog of Human rights activist | Internet Filtering Monitor on 2009/02/25
at 10:11 ص